FANEKENA
FANEKENA LOVITAO
Ho an’ny Lovitao (Sampana Mavo) dia toy izao ny fanekeny :
Manaiky aho hiezaka hatrany :
- Ho tia an’Andiamanitra
- Hiasa ho an’ny Tanindrazana
- Hanoa ny Lalànan’ny Lovitao
- Hazoto hanampy olona isan’andro
FANEKENA TILY
Toy izao ny fanekena ataon’ny mpikambana ao amin’ny Tily Eto Madagasikara.
Eo anatrehan’Andriamanitra sy ny olona ary noho ny fahasoavan’i Jesoa Kristy tompon’ny Fiangonana no anekeko amin’izao ilatsahako ho Tily eto Madagasikara izao, fa :
- hanompo an’Andriamanitra,
- hiasa ho an’ny Tanindrazana sy ny namana,
- hanoa ny Lalàn’ny Tily.
FANEKENA MPIANDRAIKITRA
Ny Mpiandraikitra izay efa nahavita ka nekena ny dingam-panofanany FANANTERANA dia miroso amin’ny Fanekena Mpiandraikitra.
Ny Fanekena ho Mpiandraikitra dia atao ao am-piangonana, manaraka ny litorjia napetrak’ireo Synodam-piangonana sy ny Foibe ary ny Komity Lehibe MTEM.
Toy izao ny Fanekena ataon’ny Mpiandraikitra TILY :
“Amin’izao fiantsoana ahy ho Mpiandrikitra izao dia milaza marina aho fa azoko tsara sady ekeko ny zava-kendren’ny Tily Eto Madagasikara. Hiezaka tokoa aho hanatanteraka ny adidiko amin’ny finoana sy ny fankatoavana an’i Jesoa Kristy Tompo sy Mpamonjy ahy. Andriamanitra anie hanampy ahy amin’izany.”
|
